LAWİKA CIR VACİ

koêbingoli koê ma o  çê ma o    koê ma koê mıradan o      koê ziyar u ewliyan o         koê bav u khalkan o            warê ma o  estê hezar goli   estê hezar gul u sosıni   bina gul u sosuna      dano koêbingoli   boya gul u sosınanê koêbingoli      ez se xo vêra kena   merga diyari      gola keske          andalê kafıri             ez se xo vêra kena   seyidê diyari      seyide boveri         goşgar babayi            ez se xo vêra kena  awxa serdına ke vecina      çavkaniya ra             awxa serdına ke cor de şeqetina                êna dewa   awxa serdına ke isani kena mest     zê reqi  awxa koêbingoliya serdıne     ez se ez xo vêra kena  mı şenık astori u heri vaznayi      koêbingoli sera   mı şenık werdi sungê u tırşıka      koêbingoli,   mı şenık werdi hêluge u soyê      koêbingoli  koê mıno delal   ma se jüvin ra vısnayime   mı xebere nêdêcı   mı cıra nêgurete xebere   nêverda ez şori   koêbingoli ser   selamê mı kerd yasax   selamê mı vacê      koêbingoli rê   na nama mı buwanê      koêbingoli  rê  vınde bıra vınde   ez xorê zerê xo rehet keri   bıwani cırê zê bılbıl   lawika cırê vaci   ez vaci derd u qulanê xo   kılama berzi ser  koêbingoli zano halê mıletê ma   ma teze niyo hazar sere ra zêdo   o naskeno khalkanê u pirkanê ma   ê hevaltine kerde khalkanê made   ê dêne rıskê pirkanê ma   o ma de zê bıra bi    xorta çênê remnêne berdê             koêbingoli   xort u azeba vatêne eşqê xo      koêbingol rê   jüvin ra heskerdêne kılami            eştê jüvin ser   koêbingoli aşq u zerewêşayina   koêbingoli caê eşqı bi       caê firar bi           caê mal bi             caê dawar bi    o dostê firara bi   firari şiyêne      koêbingoli ser   ê dêne we   nêdêne devlete dest	koêbingoli ez zaf rınd zan   handê bırrê xo çinê   wertê kemeranê xo de      wertê zindananê xo de         wertê kıngorê xo de            isani danê we   o nêdano şarê ma zalıma dest   o isanê mara heskeno   seke jü maê domananê xo ra      heskena u seveknena         koê ma ki hini isanê xo ra            heskeno u sevekneno   wayirê koêbingoli pilo   koêbingoli sera ziyar u dar zafê   ê her dewe koêbingoli sera ziyarê            de xo esta   goşgar baba ziyarê de pila   ziyara xormeçıkana      ziyara lolana         ziyara avdelana            ziyara kurmancana...     goşgar baba koê de berz o   wayirê koêbingoli o   biyêne şen      amnani serê goşgar babayi   şiyêne goşgar babayi ser      khal u piri         xort u azebi            tenê asbariye               tenê piyatine   kerdêne vıla miyaji   kerdêne qurbani   cıra mıradê xo waştêne   serê xo nêne mexpere ser      hewn diyêne   dêne goşgar babayi mıradê dina   ma ez koğe ra vaci çı      rındekbina koğe         gılorbina u berzbina koğe         koğe sera roc zê caanê bina            nêvecino         uja halê roji zobino         ez se vacine                     tı ke mıra inam nêkena             tı bı xo şo koğe bıvêne     ma golê koêbingoli   dina de abo hayat esto   golê xo merda kena weş   hona kesi na gole nediya  koêbingoli umıdê mılati o   koêbingoli şarê ma ra   şarê ma koêbingoli ra heskeno   koêbingoli isananê xorê comert o   o rıskê her kesi dano   çïğa mïlet êno wa bêro      tewr ğemê dê niyo  germê amnani de umıdê feqıra o   dêne riske zımıstani   dêne riskê serê   aşmê yaki çewres roce de   koêbingoli comert bi      şitê xo zaf bi         ronê xo zaf bi            qatïxe xo rind bi     vınde bıra vınde   ez xorê zerê xo rehet keri   bıwani cırê zê bılbıl   lawika cırê vaci   ez vaci derd u qulanê xo   kılama berzi ser	koêbingoli sera zaf piya kılami vatê   zaf piyayi amê, zaf piyayi şi   zafinê zaf çi va   govenda de kılami eştê      koêbingoli ser   "bingol o hezar gol o tarına nayi..."   govendjiya ze jü piyayi      lınga xuya çepe verde ardêne   linga raşte çepe dıme ardêne   cendekê xo ver u pêda ardêne      berdêne   hetê çepi ser xo ardêne            berdêne   hetê raşti ser xo ardêne            berdêne   dengbeja çımê xo guretêne      fekê xo kerdêne ya   to vatêne belki xora verdênera   amnani      serê koêbingol ra         çiğa rındek asênê na çala            gımgımi   to vatêne belki ceneto   nê dewê xuyê rındeki   segıre         reqasa         sofiya            tata                uskura...   germê amnani zê adır vêşene çala      gımgımi   helmê germi  dêne serê koêbingoli   bıyêne sura honıke serê koêbingoli   bıyêne boya gul u çiçeka      serê koêbingoli   waxtê wara    koêbingoli pırê isan u heywan bi   koêbingoli amnani biyêne şên   vartoy ra      xınıs ra         qarlıova ra                   şuşar ra                şiyêne waranê                    koêbingoli     palo ra         diyarbaqır ra           bertija celebê xo ardêne            koêbingoli     amnani biyêne şen.   çinê bi merg u hegayi   serbest bi mal u dawar   gavan u şuana      nêqêrêne nêvêrêne   kılami vatêne bılura xo dêne pıro   astora heskerdêne serbestiye ra   qelfe qelfe çêrêne serbest   boğa manga gaê fetelenêne   golıka u mozıka moze kerdêne   amnani biyêne şen   biyêne rındek   biyêne pırê mileti      koêbingoli   verê çhema de       verê gola de         verê gavganiya de            verê awxe de                quyêne xeymi                   quyêne çadıri                      vıraştêne holiki	kaykerdêne domana wertê wele de   domana heri vaznêne   domani şiyêne selxi ver   domana do berdêne dewe   domana çêkeki  kaykerdêne   xo vêra kerdêne mıleti derdê xo   jüvinde leqi kerdêne   amnani biyêne zê suke      koêbingoli   verê holıka de      verê çadıra de         verê xêyma de            adır vêşêne               zere de çılê vêşêne                   bereqiyêne warê                       koêbingoli        zê astaranê azmêni       to vatê veyvo amnani   amêne vengê davul u zurna   govende kaykerdêne xort u azeba   xuşe xuşa awxa amêne çavganiya ra   amêne khalina mal u dawari   zırêne heri orêne dawar   cirit kaykerdêne xorta   vengê xorta ra biyêne      gıme gıma koêbingoli   azeba fistanê xuyê   rengêni denê xo ra   destê jüvini guretêne      şiyêne so         şiyêne tïrşïke            şiyêne zeleka               şiyêne tezeka   kefê her kesi cade bi   vınde bıra vınde   ez xorê zerê xo rehet keri   bıwani cırê zê bılbıl   lawika cırê vaci   ez vaci derd u qulanê xo   kılama berzi ser   koê mınê delali ra vacê   ez rocê êna meymantina dê   ancia boyê kena gulan u      sosunane dê         oncena zer u pïşkanê xo            hewayê dê               zê reqi şımena                  awxa dê                      bena serxoş        zê xêxa          na heti ser              hati ser remena           koê mıno delal      ez to rocê vênena   qe mereq meke   nafake ama      qêrena to sera   qêrena u xo gılêr kena      to sera   wena sunganê to      wena soyê to         wena hêluga to   serê xo kena awxa tuya serdıne      şımena mırdi   ez ke biya mırd      mı vırana xo ke ze derguşe   mı vırana xo de hewn ke   ez xorê bêqısawet raku

 so sere

lawika_2

 XERİBİYE

xeribiye zora   bêkesiye zora   xeribiye de      cirani düri yê         hevali  düri yê           dewe düri ya               welat düri o                   welat xerib o

xeribiye de      isan nêhün o   teyna ro      xo keno vindi         ebe xo cere no            xo nêvêneno

dayike qêrena   hevali      waayi         cirani qêrenê:            memê maa               memê maa!                  lilika çımê maa                   vereka ma                   bê lewê ma                   mevınde teyna                   mevınde bêma

 so  sere
 
lawika_3

  REQASA

reqasa     dewa mı        domantina mı           xortina mı              yara mı  reqasa      da mı can          kerda pil ez             kerda wayirê çê                 kerda sermiyan   reqasa     her çiyê mına        hesreta mına           ahxa mina

reqasa     ana mı vêri domatina mı        ana mı vêri xortbina mı           ana mı vêri dayika mı               ana mı vêri hevalanê mı  reqasa     her waxt her dem        mı vêrde ra  zerê mı de ra     qelbê mı de ra        nıvistena mı de ra

vezena ra     her roc        ebe namê reqasa  kuna ra     her roc        ebe namê reqasa  mı vêri de ra     phonc waxtı        reqasa  phonc waxtı     nıvisnen computer de        reqasa

 so sere

lawika_4
 
 ARAQÊ PALA

çinıtêne mergi  kerdêne şımêli  kerdêne dırmıxe  kerdêne gırze  kerdêne lodi  araqê pala  qeweta pala  emegê pala     bi dina de

vaşi biyêne çeqer  veciyêne ancia gewetine  gewetine xo kerdêne çeqer  hegayi reştêne biyêne çeqer  amnan xelesiyne  çeqerbine xebera     payizi biye  çeqerbine xebera     veyvanê payiz biye  çeqerbine çêverê     zımıstani biye

şuvade bi rıskê zımıstani  şuvi umudê zımıstani bi  asêne şuvi rındek  vatêne belki şuvi niyê xaliyê    nêro wertê merga u       dormê merga de  araqê pala  qeweta pala  emegê pala     bi dina de

 so sere

lawika_5

   TEWLO

lawika_6

 BİYÊNE DEWE DE

ma sebiyêne     ez nıka dalasure de        gaanê cuna verde biyêne  bıvraştêne wela sure ra cuni      kaykerdêne   zê domananê qıjkeka      kaykerdêne çêke ki  yaki kaykerdêne     çamure de   bıvraştêne boni   ma sebiyêne      ez nıka merganê koyi de   mali verdê biyêne   yaki selxi verde biyêne   mı destê xo qerıka xo ser nêne       bıvatêne kılamê koyi   yaki kolıkvan biyêne      bı kerdêne golıka moze   bıremêne ez dıme   bıqefeliyêne   xeberdêne wayiranê dina ra

ma sebiyêne      ez nıka cerdane koêkorta de         biyêne   mı corde xo cerda ra war kerdêne      biyamêne korta   mı buwerdêne     serê şıtı dızdêniya maa xo   yaki seri kemerê qertali     sera biyêne  ez bıqêrêne      hetan ke vengê mı amêne   destê xo fekê xo ra dêne      bıbiyêne lore lora mı     ma sebiyêne      ez nıka merga diyar de biyêne  kaykerdêne ma asparki   bıvaznêne astori   yaki nıka pêbonade biyêne   bıvaznêne ma xorê heri   wara gınêne here sera

ma sebiyêne      ez nıka dewa made         dormê mı de bıyêne ciranê ma            qesê bıkerdêne ma xorê     bıkerdêne haşi leqi   xeberdêne cêniyanê dewa mara     mucul biyêne marê     ap hasenê xalıti  marê xalıka xo bırnêne   yaki meselê de bine     hüyêne ap hesen   biyêne çize çiza ap heseni   çıma ra hesiri amêne   ma fam nêkerdêne  belki çiyê     qaytê dê kerdê  mırdi hüyine ma xorê   aaaxh!   ez dewa made biyêne nıka   çığa kewto mı vêri welat

  so sere

lawika_7

 WAXTÊ VERİ

xezulbe waxtê veri   verde feqır bi mılet      derdê xo bi         ancia leqi bi             ancia hüyayiş bi   maa kotime     hüyayiş kotiyo   çımanê made   nêmedê hesiri   xelesiyê hesirê ma    ma nıka ...

verd ra waxtê hüyayişi   verd ra waxtê veri   xezulbe waxtê veri   waxtê veri de     bext bi  waxtê veri de     isantine biye   waxtê veri de  dostine biye   pir bi      rayber bi          cem bi             cemat bi                 ziyar u diyar bi

heqa merdi biye      heqa  cêniye biye         heqa ciran biye            heqa maa u pi biye   ma nıka ....   verd ra waxtê hüyayişi   verd ra waxtê veri.

  so sere

lawika_8

 MEKE TELEFON

tı ancia bena hers mıra  tı mı ra vana:  qey tı niya muruzuna     ma ez mebi muruzun  kam beno muruzun  tı ancia telefon de vana:     qey niya vengê to bığo        qey vengê to rınd niyo  to nêdê mı     ancia xebara rınde  vanê eskeri eşto     dewa ma ser  zaf heqaret kerd o     mıletê dewe rê  eştê xepıs piê mıno maa mı  vanê zêde kuyo apê mı  mı  perskerd va qey     ê khalê feqır ra vanê çı  mı ra va:     seba to pers kenê  o ki vano ez nêzan  eskerê tırka ki kuno vano:  se tı nêzana bırazayê to kotiro?

vanê amo kıştene lacê xalê mı  biyo vindi derezayê mı  tewr kes nêzano sebiyo  tewr wayirê xo çino ki  şoro estenbol de roca şemi de     resmê de bıcêro vındo        wertê wayirê vınbiyanade  ancia mı kerd ewro telefon  wa laceke tata     estenbol de xo xeneqıto.  roca bine kerd ya mı telefon  va:     cenıka vartoy estenbol de  xo eşto tırêne ver  mı pers kerd  va qey  ebe vengê de şenïk u bığ     va:        feqıriye dest  to va lacê     cıranê tuyo dêrsimi        layik nêweş bi           perê xo çinê bi              nêberd doxtor                 sebi derê?

ancia mı di emşo hewnê de xırab  ancia çımanê mı verde ra waa mı  şıma waa mı berde doxtor  va:     zêde nêweşa  doxtori va çı?  ancia mı di emşo hewnê de xırab  ancia mı di hewn de ciranê ma     layik bi bi sê u vıle çewt        veyveke berbêne, dêne xo ra           pirıke dest kerdi bi xo ver     telefon de      va ciran merd         va dereza  merd            va heval merd   hes merd      us merd         al merd            amê kıştene ciran                merd   xepis te heval        meeerd,         meeeerd...  indi beso  meke mırê telefon!   xeberê de rınde bıde mı

 so sere
 
lawika_9

  MA NO ÇIKO

qey marê bi niya  qey ma feqırme niya  qey ma xeribiyê derime  qey ma niya bıme vıla   ma no çıko bao bao no çıko   bepug marê buwano  qey marê niya bi  qey ma niya feqır me  qey kuli derd marê  qey pêro xeribiyê marê  ma no çıko bao bao no çıko   bepug marê buwano

 so sere
 
lawika_10

  BÊVENGÊ

welatê ma zê itayi niyo   kemeri estê      dari estê         teli estê   teli şonê bêçika ra      şonê linga ra   goni êna linga ra      jandanê lingi   kesi ra veng nêvecino   ze lalanê, zê geranê   isanê ma zê isani itayi niyo   lingi qılaşiyê ya      lewi qılaşiyê ya   desti qılêrınê      paskınê   vılê çêwtê      qesê nêkene   kesi ra veng nêvecino    zê lalanê, zê geranê  rojê ma zê rojê itayi niyo   zêde dana şewle   ina roj nêdi      çarna pêxo roji   hewrê siyayi kewti verê roji   zê piyayê xayini nêverda      şewlê bıdo roj   kesi vengê xo nêkerd   zê lalanê, zê geranê

non u awxa ma zê itayi niya    koso      genımo         lazuto            korego   weşanê      nêwazenê non   têşanê      nêwazenê awxe   kesi vengê xo nekerd   zê lalanê, zê geranê  nêweşê ma zê nêweşanê itayi niyê      dejeno sere         dejeno zere            waneno suzi  lingade   nêwazenê      doxtor   nêwazenê      derman   doxtor   nêdano qesê kerdene   zê lalanê, zê geranê

cêniyê ma zê cêniyanê itayi niyê   cuanıkê      sermiyanê         qesê nêkenê   kenê çewt sere      oncenê we herme   merde   nêdano qesê kerdene   zê lalanê, zê geranê     domanê ma zê domananê itayi niyê   qêrenê      zibenê         berbenê            non wazenê               şıt wazenê   kes non nêdanocı      kes şıt nedanocı         pêro qayt kene   kesi ra veng nêvecino   zê lalanê, zê geranê

 
 
 so sere